top of page

فرقة رويال مواليد 2009 صعدت الى الدور قبل النهائي لكأس قطاعات القاهرة الكبرى




تحت شعار .. الرجالة عودونا .. يفوزوا ويمتعونا .. فن وهندسة .. فتحوا المدرسة .. عشان يفرحونا .. *********

ممكن اقولك مفاجأة .

اتفضل قول .

فرقة رويال مواليد 2009 صعدت الى الدور قبل النهائي لكأس قطاعات القاهرة الكبرى الذى يضم 181نادى على مستوى محافظات القاهرة والجيزة والقليوبية والشرقية .

بتتكلم جد معقولة ..

مش كدة وبس دا كمان احرزوا 63 هدف فى المسابقة حتى الآن فى 19 مباراة

وكمان هدافى البطولة من فرقة رويال عبدالرحمن بودا الحريف أحرز 27 هدف و ومعاذ ناصر قلب الاسد 24 هدف

مش كدة وبس دا احسن حارس مرمى في البطولة من رويال اللاعب سيف ياسر اللى صد 4 ضربات جزاء فى مباراته بهتيم وفيجن ..

اقولك على المفاجأة ..

الفرقة دى أقل فرقة حصولا على الانذارات والطرد خلال المسابقة بالمقارنة بالفرق الأخرى ..

يعنى لاعيبة مركزة فى الفوز والانتصار واحترام المنافس ..

واكيد كل الانجاز دة وراحة جهاز فنى محترم بقيادة نجم الأهلى والزمالك المدرب القدير هشام جعفر اللى عارف إمكانيات اللاعيبة وبيتعامل معاهم نفسياً على احسن ما يكون .. علشان يخليك تشوف العزف المنفرد والإبداع من هذا الفريق .. كابتن حمدى جاد رئيس قطاع الناشئين بنادى رويال اللى مع الفريق فى كل مكان بيدعم ويساند وينصح..

كابتن ايشو اللى جهز سيف بالمستوى المتميز دة ومعاه ادم حارس المرمى اللى لما شارك كان حارس بامتياز .. ومش هنسي كابتن سيد ايكا المدرب العام الهادئ الواثق اللى له بصمة متميزة مع اللاعبين .. ولا الجهاز الطبى اللى دائما موجود فى الوقت المناسب .. ومنقدرش ننسي الكابتن سيد حجازى اللى دائما بيهتم بالكبيرة والصغيرة لهذا الفريق وبيوفر ليهم مناخ الابداع والتألق والدعم النفسى والمالي و كذلك سيادة اللواء منتصر أسماعيل رئيس اللجنة المؤقتة لأدارة النادى المدير التنفيذى الذى أصر على النزول إلى أرض الملعب لتهنئة اللاعبين أكثر من مرة و وعدهم بعمل حفل يليق بهذا الفريق . واخيرا .. افخروا بهذا الجيل من اللاعبين .. افخروا بسلوكيات واخلاق هؤلاء اللاعبين ..

والشكر الاخير للسادة أولياء الأمور على الدعم النفسي للفريق وعلى حسن تربيتهم لهؤلاء اللاعبين..

وكل عام وانتم بخير بمناسبه حلول شهر رمضان المبارك

Comments


Featured Posts
Recent Posts
Archive
Search By Tags
Follow Us
  • Facebook Basic Square
  • Twitter Basic Square
  • Google+ Basic Square
bottom of page